ԼՈՒՍԱՆԿԱՐ․ «Դավթի աստղեր»՝ Փարիզում և արվարձաններում հրեաների տներին
Փարիզի մերձակայքում գտնվող Սենտ-Ուեն և Օբերվիլ համայնքներում, ինչպես նաև հենց մայրաքաղաքում, այն տները, որտեղ ապրում են հրեական ընտանիքները, նշել են Դավթի աստղերով, հայտնում է Parisien պարբերականը: Տեղեկությունը փոխանցում է ՌԻԱ Նովոստին։
Սենտ-Ուենի քաղաքապետ Քարիմ Բուամրանը դատապարտել է հակասեմական արարքը՝ աջակցություն հայտնելով այնտեղ ապրող ընտանիքին։ Քաղաքապետարանն անմիջապես ձեռնամուխ է եղել հրեական կրոնական խորհրդանիշների հեռացմանը։
«Այդ ակտի մասին տեղեկություններն ուղարկվել են դատախազին։ Դրանց հեղինակները պետք է գտնվեն և պատժվեն արդարադատության կողմից՝ ամենայն կոշտությամբ և հաստատակամությամբ։ Քաղաքապետարանը հավատարիմ է մնում հանդուրժողականության և հարգանքի արժեքներին, ինչը Հանրապետության ավանդական արժեքներն են, որը պաշտպանում է իր բոլոր քաղաքացիներին՝ անկախ նրանց սոցիալական և էթնիկական առանձնահատկություններից, փիլիսոփայական, մշակութային, քաղաքական և սեռական հայացքներից»,- ասվում է քաղաքապետարանի հաղորդագրության մեջ, որը հրապարակվել է X-ի իր պաշտոնական հաշվում:
Օբերվիլի փոխքաղաքապետ Անտուան Գիյյուն X-ում այս արարքն անվանել է «անարժան եւ անթույլատրելի»՝ նշելով, որ դիմել է քաղաքի պրեֆեկտուրա:
