Իսրայելում առևանգված 22-ամյա ուսանողուհուն գլխատել են. նոր մանրամասներ
Իսրայելի նախագահ Իսահակ Հերցոգը հաստատել է ՀԱՄԱՍ-ի զինյալների կողմից առևանգված 22-ամյա ուսանողուհի Շանի Լուկի մահվան լուրը:
«Շատ ցավում եմ, բայց պետք է տեղեկացնեմ, որ Շանի Լուկի սպանությունն ու մահը հաստատվել են։ Նրա գլուխը հայտնաբերվել է: Սա նշանակում է, որ բարբարոս, սադիստ կենդանիները պարզապես կտրել են նրա գլուխը, երբ հարձակվել, խոշտանգել և սպանել են իսրայելցիներին: Սա մեծ ողբերգություն է, և ես իմ խորին ցավակցությունն եմ հայտնում նրա ընտանիքին»,- ասել է Իսրայելի նախագահը։
Ավելի վաղ հայտնել էինք Իսրայելում առևանգված 22-ամյա ուսանողուհու մահվան մասին: Գերմանացի ուսանողուհին առեւանգվել էր հոկտեմբերի 7-ին` Իսրայելի հարավում տեղի ունեցած երաժշտական փառատոնի ժամանակ։
