Ինչ զարգացումներ են սպասվում ձմռանը Ուկրաինայում․ Time
Ձմռանը կարող ենք ակնկալել լուրջ փոփոխություններ Ուկրաինայի ռազմական ռազմավարության մեջ և լուրջ ցնցումներ Ուկրաինայի նախագահի թիմում։ Այս մասին գրում է Time ամսագիրը՝ հղում անելով Ուկրաինայի նախագահ Վլադիմիր Զելենսկու շրջապատի ներկայացուցիչներին։
Նշվում է, որ նախագահ Զելենսկին աշխատանքից կազատի բարձրաստիճան գեներալներից մեկին, որը պատասխանատու է այս ձմռանը Ուկրաինայի ԶՈՒ հակահարձակման համար՝ ռազմական ձախողումների ողջ պատասխանատվությունը նրա վրա դնելու համար։
Հոդվածի հեղինակը նաև պնդում է, որ առնվազն մեկ նախարար կազատվի աշխատանքից։
Հրապարակման համաձայն՝ առաջնագծում որոշ հրամանատարներ սկսել են հրաժարվել հարձակման հրամանից։ Որպես օրինակ բերվում է, երբ հոկտեմբերի սկզբին երկրի քաղաքական ղեկավարությունը պահանջել էր Գորլովկայի ազատագրման օպերացիա։ Զինվորականների պատասխանը հնչել է հարցի տեսքով. «Ինչո՞վ»:
Հավելենք, որ պարբերականը նյութի շապիկին տեղադրել է Ուկրաինայի նախագահ Վլադիմիր Զելենսկու մեջբերումը. «Ոչ ոք այնքան չի հավատում Ուկրաինայի հաղթանակին, որքան ես։ Ոչ ոք»։
