Մեդվեդևը հայտարարել է, որ Ռուսաստանն ու Եվրամիությունը դարձել են թշնամիներ
ՌԴ Անվտանգության խորհրդի փոխնախագահ Դմիտրի Մեդվեդևը հայտարարել է, որ Եվրամիությունը կորցրել է Ռուսաստանը որպես երկարաժամկետ ռազմավարական գործընկեր և դարձել է Մոսկվայի «իսկական թշնամին»։ Այս մասին նա գրել է VKontakte սոցիալական ցանցի իր էջում։
«Մենք հիմա նույնիսկ հարևաններ չենք, այլ իրական թշնամիներ։ Եվ հիմա ԵՄ-ն զառանցում է Ռուսաստանի լիակատար անկանխատեսելիությունից, դավադրության խելահեղ տեսություններ է կառուցում, աստղաբաշխական գումարներ է ծախսում իր անվտանգությունը պահպանելու համար:
Եվրամիությունը կորցրել է Ռուսաստանին որպես երկարաժամկետ ռազմավարական գործընկեր. Սա մեզ չի ուրախացնում, բայց դա փաստ է»,- գրել է Մեդվեդևը։
Նրա խոսքով, Եվրոպան ԱՄՆ-ի դրդմամբ դարձել է Ռուսաստանի Դաշնության «ամենավատ թշնամին»։
Նա կարծում է, որ «մեծ տերությունները վաղ թե ուշ կհամաձայնվեն, թե ինչպես են ապրելու տեսանելի ապագայում` նոր պայմաններում»։ Միաժամանակ նա հավելել է, որ իմաստ չունի, որ Ռուսաստանը ԱՄՆ-ի հետ լիարժեք հակամարտություն սկսի։
