ՏԵՍԱՆՅՈՒԹ. ՑԱԽԱԼ–ն ընդլայնում է Գազայում ռազմական գործողությունները. կադրեր՝ «Երկաթե գմբեթի» աշխատանքից
Համացանցում հրապարակվել են կադրեր, որոնցում ենթադրաբար երևում է Իսրայելում «Երկաթե գմբեթի» աշխատանքը: Ըստ ԶԼՄ–ների՝ փոխադարձ հրթիռակոծվում են Գազայի հատվածն ու Իսրայելը: Գազայի հատվածում Իսրայելի բանակի կողմից իրականացվում է զանգվածային հրետանային և տանկային ռմբակոծություն:
Նշենք, որ Իսրայելի պաշտպանության բանակի խոսնակ Դանիել Հագարին Գազայի հատվածում ռազմական գործողությունների ընդլայնման մասին.
«Մենք մեծացրել ենք Գազայի հատվածի վրա հարձակումների տեմպերը։ Մեր ռազմաօդային ուժերը հարձակվում են ստորգետնյա թիրախների և ահաբեկչական ենթակառուցվածքների վրա: Շարունակելով Գազայի հատվածի վրա հարձակումները՝ մեր ուժերն այս ժամերին ընդլայնում են ցամաքային գործողության շրջանակը՝ ապահովելու այս պատերազմի նպատակների իրագործումը»։
Կարմիր Խաչի օպերատիվ վարչության տնօրենը РИА Новости–ին ասել է, որ Գազայի հատվածում իրավիճակը չի կարելի անվանել այլ կերպ, եթե ոչ միայն հուսահատ: Իր հերթին, Պաղեստինի Կարմիր Մահիկը հայտնել է, որ Գազայի հատվածն ամբողջությամբ կտրված է արտաքին աշխարհից:
Gaza Now օգտահաշիվը X սոցիալական ցանցում Իլոն Մասկին խնդրել է Գազայի հատվածին տրամադրել անվճար հասանելիություն StarLink ինտերնետին, ինչպես ուկրաինացիների դեպքում է:
