ՏԵՍԱՆՅՈՒԹ. Իսրայելի ցամաքային գործողության արդյունքը կլինի էպիկական չափերի մարդասիրական աղետը. Հորդանանի ԱԳՆ
Հորդանանի արտաքին գործերի նախարարությունը նախազգուշացնում է, որ Գազայի հատվածում Իսրայելի ցամաքային գործողության արդյունքը կլինի «երկար տարիներ ձգվող էպիկական չափերի մարդասիրական աղետը»:
«Իսրայելը հենց նոր ցամաքային պատերազմ է սկսել Գազայում»,– նշվում է հաղորդագրության մեջ:
Նշենք, որ Իսրայելի պաշտպանության բանակի խոսնակ Դանիել Հագարին Գազայի հատվածում ռազմական գործողությունների ընդլայնման մասին.
«Մենք մեծացրել ենք Գազայի հատվածի վրա հարձակումների տեմպերը։ Մեր ռազմաօդային ուժերը հարձակվում են ստորգետնյա թիրախների և ահաբեկչական ենթակառուցվածքների վրա: Շարունակելով Գազայի հատվածի վրա հարձակումները՝ մեր ուժերն այս ժամերին ընդլայնում են ցամաքային գործողության շրջանակը՝ ապահովելու այս պատերազմի նպատակների իրագործումը»։
Բողոքի ցույցեր են Հորդանանում Իսրայելի Իսրայելի դեսպանատան դիմաց: Համացանցում տարածվում են Ամման քաղաքում Իսրայելի դեսպանատան մոտից կադրեր:
Կարմիր Խաչի օպերատիվ վարչության տնօրենը РИА Новости–ին ասել է, որ Գազայի հատվածում իրավիճակը չի կարելի անվանել այլ կերպ, եթե ոչ միայն հուսահատ: Իր հերթին, Պաղեստինի Կարմիր Մահիկը հայտնել է, որ Գազայի հատվածն ամբողջությամբ կտրված է արտաքին աշխարհից:
