Իսրայելի ԱԳՆ-ն դժգոհ Է ՀԱՄԱՍ-ի ներկայացուցիչների` Մոսկվա այցից
Իսրայելի ԱԳՆ-ն դժգոհություն է հայտնել պաղեստինյան ՀԱՄԱՍ շարժման ներկայացուցիչների այցից, որոնք Մոսկվայում քննարկել են պատանդների ազատման և Գազայից ռուսների տարհանման հարցերը, համապատասխան հայտարարություն է արել իսրայելական գերատեսչության մամուլի ծառայությունը:
Ավելի վաղ Ռուսաստանի արտաքին քաղաքական գերատեսչությունում հաստատել էին, որ ՀԱՄԱՍ-ի ներկայացուցիչները այցով գտնվում են Մոսկվայում: ՌԴ ԱԳՆ-ից ՌԻԱ Նովոստիին հայտնել են, որ Ռուսաստանը ՀԱՄԱՍ-ի հետ հանդիպման ժամանակ քննարկել է պատանդների ազատ արձակումն ու Գազայի հատվածից ՌԴ քաղաքացիների տարհանումը: ՀԱՄԱՍ շարժումն իր հերթին հայտարարել է, որ ՌԴ փոխարտգործնախարար Միխայիլ Բոգդանովի հետ հանդիպմանը բարձր է գնահատել ՌԴ նախագահ Վլադիմիր Պուտինի դիրքորոշումը պաղեստինա-իսրայելական հակամարտության վերաբերյալ և ռուսական դիվանագիտության ջանքերը:
