ՏԵՍԱՆՅՈՒԹ. Հրաձգություն ԱՄՆ-ում. զոհվել է 22 մարդ, վիրավորվել՝ 60-ը

 Առնվազն 22 մարդ է զոհվել, 60` վիրավորվել ԱՄՆ-ի Մեն նահանգի Լյուիսթոն քաղաքում տեղի ունեցած հրաձգության հետևանքով, հայտնում է Fox News-ը՝ հղում անելով աղբյուրներին։ Հեռուստաալիքի տվյալներով՝ հանցագործը կրակ է բացել երեք վայրերում՝ ռեստորանում, խանութում և զվարճանքի կենտրոնում։

ԱՄՆ-ի Մեն նահանգի Լյուիսթոն քաղաքում անհայտ անձը զենքը ձեռքին ուղղակի գնդակահարել է մարդկանց: Նահանգի մեծությամբ երկրորդ քաղաքի բնակիչներին խորհուրդ է տրվում պատսպարվել անվտանգ վայրերում։ Ոստիկանությունը հրապարակել է կասկածյալի լուսանկարը։ 

Մեյնի ոստիկանությունը քիչ առաջ բացահայտել է Լյուիսթոնում կրակ բացած զինված անձի ինքնությունը՝ 40-ամյա Ռոբերտ Քարդը: 

Ոստիկանությունը դեռ փնտրում է կասկածյալին՝ նա դեռ ձերբակալված կամ վնասազերծված չէ. Իրավապահների խոսքով զինված է և ծայրահեղ վտանգավոր։ Այս պահին առկա տեղեկությունների համաձայն հանցագործը, զենքի ինստրուկտոր է եւ ծառայել է ԱՄՆ բանակի պահեստազորում։ 

Ամռանը նրան ազատ են արձակել հոգեբուժարանում բուժվելուց հետո։ Մեյնում տեղի ունեցած հրաձգությունը 2023 թվականին ԱՄՆ-ում 565-րդ զանգվածային հանցագործությունն էր։

[03f6773982b9f8bf289e832e7f2be928.jpg]