ՏԵՍԱՆՅՈՒԹ. Բաքվում մեկնարկել է Վագիֆ Խաչատրյանի գործով դատական հերթական նիստը
Բաքվում մեկնարկել է Հակարիի կամրջից հուլիսի վերջին ապօրինաբար առևանգված Վագիֆ Խաչատրյանի գործով դատական հերթական նիստը։ Ինչպես հայտնում են ադրբեջանական լրատվամիջոցները, դատարանում ցուցմունք են տալիս գործով «տուժած» ճանաչվածները։
70-ամյա արցախցին հերքում է Բաքվի ներկայացրած մեղադրանքը, որոնք վերաբերվում են, իբրև թե, «ցեղասպանություն» գործելուն:
Տարեց տղամարդու հարազատները ևս պնդում են, որ ինքը սովորական վարորդ է եղել, ոչ մի ռազմական գործողության այդ ընթացքում չի մասնակցել, զինվորական պաշտոն չի զբաղեցրել, պետական մեղադրանքում էլ նկարագրվող իրադարձություններին որևէ կերպ չի մասնակցել։
Վագիֆ Խաչատրյանը առևանգվել ու Բաքու էր տարվել ամռանը, երբ փորձում էր Հակարիի ադրբեջանական անցակետով սրտի հրատապ վիրահատության համար Հայաստան գալ։ Ձերբակալությունից մի քանի ժամ անց Բաքուն հայտարարել էր, թե նրան վաղուց են փնտրում, անգամ միջազգային հետախուզում են հայտարարել։
