ՏԵՍԱՆՅՈՒԹ. Քաղաքացիները երկրորդ անգամ ներխուժեցին Արցախի ներկայացուցչության շենք

Արցախից բռնի տեղահանված տասնյակ քաղաքացիներ երկրորդ անգամ ներխուժեցին Հայաստանում Արցախի ներկայացուցչության շենք։

Իրավիճակը լարվեց, երբ ակցիայի մասնակիցները բղավելով հարցեր էին հնչեցնում, իսկ Արցախի նախագահ Սամվել Շահրամանյանը հեռացավ՝ ասելով, որ նման պայմաններում չի կարող պատասխաններ տալ։ Հավաքվածները երկրորդ անգամ ճեղքեցին ոստիկանական պատնեշը, և մի քանիսին հաջողվեց շենք մտնել, մյուս մասը մնում է դրսում։

Այդ ընթացքում շենք մտան նաև համազգեստով տղամարդիկ, որոնց դեմքերը փակ էին դիմակներով։ Ներկայացուցչության դռները փակվեցին։

ՀՀ-ում Արցախի ներկայացուցչության շենքի դիմաց իրավիճակը շարունակում է լարված մնալ։