«Ուր է վարչապետի որդին, ինչու նա Իսրայելում չէ». Նեթանյահուի տղային քննադատել են Մայամիում մնալու համար

Իսրայելի վարչապետ Բենիամին Նեթանյահուի որդուն քննադատել են ՀԱՄԱՍ-ի դեմ սկսված ռազմական գործողությունների ֆոնին Մայամիում մնալու և հայրենիք չվերադառնալու համար, մինչդեռ մյուս հրեա պահեստազորայինները տարբեր երկրներից Իսրայել են վերադառնում ՀԱՄԱՍ-ի դեմ կռվելու համար:

Ինչպես նշում է Daily Mail-ը, 32-ամյա Յաիր Նեթանյահուն ապրիլից գտնվում է Ֆլորիդայում: Մինչդեռ աննախադեպ թվով՝ 360,000 պահեստազորային հետ է կանչվել Իսրայել: Նրանցից շատերը թողնում են ամեն ինչ՝ Իսրայել վերադառնալու համար, ոմանք նույնիսկ ընդհատում են մեղրամիսը: Սակայն վարչապետի որդին մնացել է Մայամիում, ինչը զայրացրել է որոշ ծառայողների: