Թուրքիայի առաջին տիկինը մտադիր է օգնել պաղեստինցի երեխաներին
Թուրքիայի առաջին տիկին Էմինե Էրդողանը մտադիր է օգնել Պաղեստինի կարիքավոր երեխաներին։ Yeni Şafak-ի փոխանցմամբ՝ այս մասին հայտնել է Թուրքիայի ընտանիքի եւ սոցիալական ծառայությունների նախարար Մահինուր Օզդեմիր Գոկթաշը։
Նա հայտարարել է, որ առցանց հանդիպման ընթացքում շփվել է Պաղեստինի կանանց հարցերով նախարար Քամալ Համադի և սոցիալական զարգացման նախարար Ահմեդ Մաջդալանիի հետ: Նախարարը հավելել է, որ առաջին տիկնոջ անունից համատեղ նախաձեռնություն է առաջարկել՝ «անհապաղ օգնություն ցուցաբերել իսրայելական վերջին հարվածներից տուժած երեխաներին»:
«Մեր նպատակն է բժշկական օգնություն, պաշտպանություն եւ խնամք տրամադրել այն երեխաներին, որոնք վիրավորվել են կամ զրկվել են ծնողներից Իսրայելի կողմից իրականացված հարձակումների հետեւանքով, մինչեւ թշնամական գործողությունների ավարտը»,– հայտարարել է Գոկթաշը:
