ՏԵՍԱՆՅՈՒԹ. Գազայում փախստականների ճամբարի վրա Իսրայելի ավիահարվածների հետևանքով զոհվել է 30 մարդ. ավերվել են մզկիթներ
ՑԱԽԱԼ–ը շարունակում է հարվածներ հասցնել Գազայի հատվածում ՀԱՄԱՍ-ի ահաբեկիչների տասնյակ օբյեկտների: Այս մասին հայտնում է Իսրայելի պաշտպանության բանակը
Միաժամանակ, պաղեստինյան WAFA լրատվական գործակալությունը պնդում է, որ Գազայի հատվածում փախստականների ճամբարին ուղղված Իսրայելի օդային հարվածների արդյունքում 13 մարդ է զոհվել։ Գործակալության տվյալներով՝ ավիահարվածները եղել են Գազայի հատվածի հյուսիսում՝ Ջաբալիա քաղաքի փախստականների ճամբարում գտնվող երկու բնակելի շենքերում և ալբանական մզկիթում։
Al-Jazeera-ն, հղում անելով տեղի քաղաքացիական պաշտպանության ուժերին, հայտնում է փախստականների ճամբարին հասցված ավիահարվածի հետևանքով առնվազն 30 զոհի մասին:
Նրանց տվյալներով՝ Ջաբալիայի փախստականների ճամբարում ռմբակոծված շենքերի ավերակներից դուրս են բերվել երեսուն զոհեր, որոնց մեծ մասը կանայք և երեխաներ են։ Առնվազն 27 մարդ վիրավորվել է։
Հաղորդվում է նաև, որ ավիահարվածների հետևանքով ավերվել է երկու մզկիթ։
Գազայի առողջապահության նախարարության տվյալներով՝ անկլավում զոհվածների թիվը հասել է 4651-ի, վիրավորներինը՝ 14245-ի։
