Թրամփը Կալիֆոռնիայի նահանգապետին անվանել է անհաջողակ
ԱՄՆ նախագահ Դոնալդ Թրամփը քննադատել և անտեղի է անվանել Մեծ Բրիտանիայի և Կալիֆոռնիա նահանգի միջև կնքված մաքուր էներգիայի համաձայնագիրը։
Ավելի վաղ՝ Մեծ Բրիտանիա կատարած այցի ժամանակ, Կալիֆոռնիայի նահանգապետ Գևին Նյուսոմը Մեծ Բրիտանիայի էներգետիկայի նախարար Էդ Միլիբանդի հետ ստորագրել է փոխըմբռնման հուշագիր՝ մաքուր էներգիայի տեխնոլոգիաների, այդ թվում՝ ծովային քամու էներգիայի ոլորտում համագործակցության վերաբերյալ։ Համաձայնագիրը նաև նպատակ ունի ընդլայնել բրիտանական ընկերությունների մուտքը Կալիֆոռնիայի շուկա։
«Մեծ Բրիտանիան բավականաչափ խնդիրներ ունի՝ առանց Գևին Նյուսոմի հետ գործ ունենալու», - Politico-ին ասել է Թրամփը՝ դիտավորյալ աղավաղելով նահանգապետի անունը, որպեսզի այն հնչի որպես «տականք»։
Ամերիկացի առաջնորդը Կալիֆոռնիայի նահանգապետին անվանել է անհաջողակ և պնդել, որ ամեն ինչ, ինչին նա դիպչում է, վերածվում է աղբի։ Թրամփը հավելել է, որ Նյուսոմի համար «անտեղի» է նման համաձայնագրեր կնքելը, և Մեծ Բրիտանիայի համար «անտեղի» է նրա հետ գործարք կնքելը։
«Նրա նահանգը վերածվել է կենդանի դժոխքի, իսկ նրա բնապահպանական վիճակը՝ աղետի», - եզրափակել է նախագահը։
