ԵՄ–ն ուկրաինական ճգնաժամը լուծելու կոնկրետ առաջարկ չունի
ԵՄ-ն Ուկրաինայում համաձայնության հասնելու կոնկրետ առաջարկներ չունի, ի տարբերություն Ռուսաստանի, ԱՄՆ-ի և նույնիսկ Կիևի, ՌԻԱ Նովոստիին ասել է Ֆրանսիայում Ռուսաստանի դեսպան Ալեքսեյ Մեշկովը։
«Այսօրվա դրությամբ ԵՄ երկրները ուկրաինական ճգնաժամը լուծելու կոնկրետ առաջարկներ չունեն։ Մենք բազմիցս ասել ենք, որ Ռուսաստանը չի փակում դուռը շփման համար. խնդրում եմ, եթե ասելիք ունեք, կարող եք հեռախոսը վերցնել։ Բայց փաստն այն է, որ սա ընդհանուր խնդիր է ամբողջ հիստերիկ Եվրամիության համար. նրանք ասելիք չունեն», - ասել է դիվանագետը։
Ըստ նրա՝ առայժմ ԵՄ-ն միայն կարող է առաջ քաշել բանակցությունները խափանելու և հակամարտությունը երկարաձգելուն ուղղված գաղափարներ։
«Մենք ունենք կոնկրետ դիրքորոշումներ, որոնք բազմիցս ուրվագծվել են նախագահի և արտգործնախարարի կողմից։ Ամերիկացիները նույնպես դիրքորոշում ունեն, թեև որոշ չափով տարբեր։ Վերջին հաշվով, ուկրաինացիներն էլ ունեն իրենց սեփական գաղափարները։ Բայց եվրոպացիները չեն կարող որևէ կոնկրետ բան առաջարկել համաձայնության հասնելու առումով», - նշել է դեսպանը։
