Եգիպտոսն առաջարկում է Ռաֆահում փախստականների ճամբարներ ստեղծել
Եգիպտոսն առաջարկել է Ռաֆահ գյուղում Գազայի հատվածի փախստականների համար ճամբարներ ստեղծել։ Այս մասին հայտնում է Al Araby Al Jadeed թերթը՝ հղում անելով աղբյուրներին։
Ճամբարները կգտնվեն Եգիպտոսի հետ սահմանից 3 կմ հեռավորության վրա, իսկ դրանց գործունեությունը կվերահսկվի Կահիրեից։ Եգիպտոսի իշխանությունները նախատեսում են հրատապ օգնություն տրամադրել Պաղեստինի հյուսիսային՝ Գազայի հատվածից տեղահանվածներին, քանի որ կտրականապես դեմ են Գազայի փախստականներին Սինայի թերակղզի ուղարկելուն:
