Ալեն Սիմոնյանն ու գերմանացի խորհրդարանականը քննարկել են Ադրբեջանի դեմ պատժամիջոցներ կիրառելու անհրաժեշտությունը
ԳԴՀ Բունդեսթագի արտաքին հարաբերությունների հանձնաժողովի նախագահ Միխայել Ռոթը ՀՀ ԱԺ նախագահ Ալեն Սիմոնյանի հետ հանդիպմանն անդրադարձել է Բաքվի էթնիկ զտման քաղաքականության հետևանքով Լեռնային Ղարաբաղի հայաթափմանը և առաջացած խնդիրներին: Այս մասին հայտնել է ԱԺ մամուլի ծառայությունը:
Միխայել Ռոթը նշել է, որ ԼՂ բնակչության հանդեպ ադրբեջանական ագրեսիան կանխելու գործում բավարար քայլեր չեն արվել իրենց կողմից: Կողմերը քննարկել են Ադրբեջանի դեմ հնարավոր պատժամիջոցներ կիրառելու անհրաժեշտությունը:
ՀՀ ԱԺ նախագահը վերահաստատել է, որ Հայաստանը որդեգրել է խաղաղության օրակարգ և առաջարկում է տարածաշրջանային խաղաղության ճանապարհային քարտեզ:
