Հայտնի է, թե բողոքի ակցիայի քանի մասնակից է ձերբակալվել

Երևանում Արցախի ներկայացուցչության մոտ տեղի ունեցած բողոքի ակցիայի մի քանի մասնակիցներից 4-ը ձերբակալվել են։ Sputnik Արմենիային ՀՀ ՆԳՆ ոստիկանության մամուլի ծառայությունից հայտնել են, որ նրանք ձերբակալվել են ֆիզիկական ներգործության անմիջական հիմնավոր կասկածով։

«4 անձ ձերբակալվել և տեղափոխվել է ոստիկանության Արաբկիրի բաժին»,- հայտնում են ոստիկանությունից։

ՀՀ մարդու իրավունքների պաշտպանիգրասենյակից էլ հայտնում են, որ արագ արձագանքման խումբ է մեկնել ոստիկանության Արաբկիրի բաժին: Այս պահին ուսումնասիրվում են նրանց ազատությունից զրկելու հիմքերն ու պատճառները, բաժնում տվյալ անձանց իրավունքների ապահովման վիճակը, տեղի են ունենում առանձնազրույցներ:

ՄԻՊ-ը կոչ է անում ցուցաբերել զսպվածություն և զերծ մնալ բռնության ցանկացած դրսևորումից:

Հիշեցնենք, որ այսօր Արցախից բռնի տեղահանված հարյուրավոր քաղաքացիներ հավաքվել էին ներկայացուցչության մոտ՝ բողոքելով Արցախի պետհիմնարկների աշխատակիցների աշխատավարձերի վճարումը դադարեցնելու որոշման դեմ։ Քաղաքացիների հետ սկզբում դրսում, ապա ներսում հանդիպեց Արցախի նախագահ Սամվել Շահրամանյանը։