Չինաստանը հետաքրքրված է Հայաստանում մի շարք արտադրություններ բացելու հարցում

Չինական կողմը հետաքրքրվածություն է հայտնել Հայաստանում ցեմենտի գործարանի բացման և տրակտորների արտադրություն հիմնելու, տրակտորների հավաքատեղի ստեղծելու և արտադրանքը նաև հարևան շուկաներ արտահանելու մասին։ Տեղեկությունը հայտնում են ՀՀ էկոնոմիկայի նախարարությունից։

Այդ մասին նշվել է ՀՀ էկոնոմիկայի նախարար Վահան Քերոբյանի՝ Չինաստան այցի ընթացքում Ցզյանսու նահանգի մի շարք ընկերությունների ներկայացուցիչների հետ հանդիպման ժամանակ։

Քննարկվել են նաև հայկական ընկերությունների հետ փոխշահավետ համագործակցության, էներգետիկայի բնագավառում համագործակցութուն ծավալելու հնարավորությունները։