ՌԴ-ի դեմ պատժամիջոցների պատճառով ճապոնացի ձկնորսները տուժում են

Ճապոնացի ձկնորսները կորցրել են Կուրիլյան կղզիների հասանելիությունը Ռուսաստանի դեմ պատժամիջոցների պատճառով: Այս մասին գրում է Ճապոնական Hokkaido Shimbun (HS) պարբերականը: Նշվում է, որ սահմանափակումները, որոնք առաջացել են Ռուսաստանի դեմ պատժամիջոցների կիրառման արդյունքում, խանգարում են հենց ճապոնացիների ձկնորսությանը։

Ձկնորսների խոսքով, քանի դեռ Մոսկվան և Տոկիոն լարված հարաբերություններ ունեն, անհնար է զբաղվել ձկնորսությամբ։

«Մենք կցանկանայինք այս տարի կրկին ձկնորսության դուրս գալ Հարավային Կուրիլների ջրատարածքում, սակայն այն կարգավորվում է երկու երկրների ամենամյա բանակցություններով, որոնք 2023 թվականին չեն կայացել», - լրագրողներին պատմել է ձկնորսներից մեկը: