![Երկրի քաղաքները պաշտպանելու համար Իսրայելը կսկսի զինել կամավորներին](https://auroranews.am/storage/img/base_image/old/c7e15f74c9ab635d106f3191274dd2f5.webp)
Երկրի քաղաքները պաշտպանելու համար Իսրայելը կսկսի զինել կամավորներին
![Երկրի քաղաքները պաշտպանելու համար Իսրայելը կսկսի զինել կամավորներին](https://auroranews.am/storage/img/base_image/old/c7e15f74c9ab635d106f3191274dd2f5.webp)
Հարձակումներին կամ ճգնաժամերին արագ արձագանքելու համար Իսրայելի ոստիկանությունը կսկսի զինել քաղաքացիական կամավորներին․ այս մասին հայտնում է Agence France-Presse (AFP) գործակալությունը։
Իսրայելի ոստիկանության գլխավոր տեսուչ Կոբի Շաբթայը և ազգային անվտանգության նախարար Իտամար Բեն-Գվիրը որոշել են ստեղծել արագ արձագանքման ստորաբաժանումներ, որոնք գործում են Իսրայելի բոլոր քաղաքներում՝ ոստիկանության հովանու ներքո։
347 նոր ստորաբաժանումները կհամալրվեն 13,2 հազար կամավորներով, ովքեր կստանան հրազեն և պաշտպանիչ սարքավորումներ։
Հիշեցնենք` հոկտեմբերի 7-ի առավոտյան Իսրայելը Գազայի հատվածից աննախադեպ հրթիռային հարձակման ենթարկվեց։ Իսրայելի բանակի մամուլի ծառայությունից հայտնեցին, որ ծայրահեղականներն ավելի քան 3 հազար հրթիռ են արձակել: Բացի այդ, տասնյակ ահաբեկիչներ ներխուժել են Իսրայելի հարավում գտնվող սահմանամերձ շրջաններ։ Պաղեստինյան ՀԱՄԱՍ շարժման ռազմական թևը հայտարարեց, որ Իսրայելի դեմ «Ալ Աքսայի ջրհեղեղ» գործողություն է անցկացնում: Իսրայելի պաշտպանության բանակն էլ (ՑԱԽԱԼ) հայտնեց Գազայի հատվածում ՀԱՄԱՍ-ի դեմ «Երկաթե թրեր» գործողության մեկնարկի մասին: