«Մենք ընդունում ենք, որ սա Հայաստանի ինքնիշխան տարածքն է». Ադրբեջանի նախագահի ներկայացուցիչ
BBC-ին հարցազույց է տվել Ադրբեջանի նախագահի ներկայացուցիչ Էլչին Ամիրբեկովը:
Լրատվականը գրում է. «Հայաստանում շատերն անհանգստացած են, որ Զանգեզուրի միջանցքի բացումը կարող է դառնալ ինքնիշխանության «սողացող» կորուստ Իրանին սահմանակից հայկական տարածքի նկատմամբ: Հայաստանը մտավախություն ունի, որ իրեն կստիպեն ամբողջությամբ հանձնել վերահսկողությունը»: Ադրբեջանի նախագահի ներկայացուցիչ Էլչին Ամիրբեկովը BBC-ի ռուսական ծառայությանը տված հարցազրույցում ասել է.
«Մենք ընդունում ենք, որ սա Հայաստանի ինքնիշխան տարածքն է։ Բայց մեզ համար կարևոր է իմանալ, թե մյուս կողմն ինչպես է ապահովելու միջանցքի երթևեկության անվտանգությունը»,- նշում է Ամիրբեկովը: Նրա խոսքով՝ Բաքուն պատրաստ է բանակցությունների, բայց եթե Հայաստանը որոշի հետաձգել գործընթացը, ապա Ադրբեջանը պատրաստ է երթուղի կառուցել Իրանի տարածքով։
