Գազայի հատվածում ցամաքային գործողությունը հետաձգվել է. հայտնի է պատճառը
Գազայի հատվածում ցամաքային գործողությունը եղանակի պատճառով հետաձգվել է մի քանի օրով: Այս մասին գրում է The New York Times-ը՝ հղում անելով Իսրայելի զինված ուժերի աղբյուրներին:
Գազայի հատվածում Իսրայելի ցամաքային գործողությունը պետք է սկսվեր այս շաբաթավերջին, սակայն այն որոշել են հետաձգել մի քանի օրով՝ ամպամած եղանակի պատճառով, որը կբարդացնի իսրայելցի օդաչուների եւ անօդաչու թռչող սարքերի օպերատորների՝ օդից ցամաքային ուժերին աջակցելու հնարավորությունները:
Հիշեցնենք` հոկտեմբերի 7-ի առավոտյան Իսրայելը Գազայի հատվածից աննախադեպ հրթիռային հարձակման ենթարկվեց։ Իսրայելի բանակի մամուլի ծառայությունից հայտնեցին, որ ծայրահեղականներն ավելի քան 3 հազար հրթիռ են արձակել: Բացի այդ, տասնյակ ահաբեկիչներ ներխուժել են Իսրայելի հարավում գտնվող սահմանամերձ շրջաններ։
