«Տեղահանվածների զգալի մասը, որպես իրենց բնակության վայր, ընտրել են ՀՀ մարզերը». փոխվարչապետ

Հայաստանի մարզերում այս պահին հաշվառված է Արցախից բռնի տեղահանված 80,000  մարդ: Կառավարության հումանիտար կենտրոնի ասուլիսի ժամանակ հայտարարեց ՀՀ փոխվարչապետ Տիգրան Խաչատրյանը։

«Սա նշանակում է, որ տեղահանվածների զգալի մասը, որպես իրենց բնակության վայր, թեկուզ ժամանակավորապես, ընտրել են ՀՀ մարզերը»,- ասաց նա։

Տիգրան Խաչատրյանի խոսքով՝ այժմ մարզպետարանները, համապատասխան կառույցները օգնում են բռնի տեղահանվածներին՝ բնակության համար ընտրել հնարավոր լավագույն  պայմանները, որոնք կարող են մարզերում լինել այդ նպատակով։