Ղրիմի կամուրջն ամբողջությամբ վերականգնվել է

Ղրիմի կամուրջը նախատեսված ժամկետից 18 օր շուտ ամբողջությամբ վերականգնվել է: Այս մասին հայտնել է Ռուսաստանի փոխվարչապետ Մարատ Խուսնուլինը «Տելեգրամ»-ի իր ալիքում:

«Լավ լուր՝ ճանապարհային աշխատողներից. Ղրիմի կամուրջն ամբողջությամբ վերականգնվել է՝ ժամանակացույցից 18 օր շուտ: Երթևեկությունը բացվել է բոլոր չորս գծերով» - տեղեկացրել է նա:

Խուսնուլինը հավելել է, որ ամբողջ աշխատանքը տևել է 3 ամսից էլ քիչ:

Ավելի վաղ հայտնել էինք, որ հուլիսի 17-ին ՌԴ-ի Ազգային հակաահաբեկչական կոմիտեն (ՀԱԿ) հայտարարել է, որ Ղրիմի կամուրջը հարձակվել է ուկրաինական երկու անօդաչու թռչող սարքերի կողմից: