«Կոչ ենք անում հայ բնակիչներին վերադառնալ Ղարաբաղում գտնվող իրենց տները». Ադրբեջանի փոխարտգործնախարար

«Ղարաբաղի հայ բնակիչները Ադրբեջանի քաղաքացիներ են։ Ադրբեջանը կոչ է անում նրանց վերադառնալ Ղարաբաղում գտնվող իրենց տները»։

Այս մասին ասել է Ադրբեջանի փոխարտգործնախարար Էլնուր Մամեդովը՝ ելույթ ունենալով Միջազգային դատարանում Հայաստանի դեմ Ադրբեջանի բողոքի քննության ժամանակ, հաղորդում է ԱՊԱ-ն:

Ադրբեջանի փոխարտգործնախարարը Հաագայի դատարանում խոսել է Ղարաբաղի «հայ բնակիչների վերաինտեգրման մասին»: 

Ադրբեջանի փոխարտգործնախարարը հիշեցրեց, որ Ադրբեջանը ցանկանում է պահպանել իր բազմազգ հասարակությունը, որտեղ խաղաղ ապրում են էթնիկ հայերն ու ադրբեջանցիները։