Իսրայելում ստեղծվել է արտակարգ կառավարություն
Իսրայելում արտակարգ կառավարություն է ձևավորվել, որի կազմում ներառվել են ընդդիմության 5 լրացուցիչ նախարարներ, հաղորդում է Haaretz թերթը։
Առանց պորտֆելների նոր նախարարներն են «Ազգային միաբանություն» դաշինքի առաջնորդ Բենի Գանցը և դաշինքի չորս այլ անդամներ։
Իսրայելի խորհրդարանի՝ Քնեսեթի նիստի ժամանակ վարչապետ Բենյամին Նեթանյահուն հայտարարել է դրույթների ակտիվացման մասին, որոնք իրեն թույլ են տալիս լիազորություններ փոխանցել արտակարգ իրավիճակների կաբինետի հանձնաժողովին: Դրանում կընդգրկվեն Նեթանյահուն, Գանցը և երկրի պաշտպանության նախարար Յոավ Գալանտը:
Բացի այդ, առողջապահության նոր նախարար է դարձել «Շաս» կուսակցությունից Ուրիել Բոսոն։
Ավելի վաղ հաղորդվել էր, որ Նեթանյահուն և Գանցը պայմանավորվել են ստեղծել արտակարգ կառավարություն:
