Եգիպտոսը կոչ է արել մարդասիրական օգնություն հասցնել Գազայի հատված Էլ-Արիշ օդանավակայանից
Եգիպտոսը կոչ է արել մարդասիրական օգնություն հասցնել Գազայի հատված Սինայի թերակղզու Էլ-Արիշ միջազգային օդանավակայանից: Այս մասին հայտնել է Եգիպտոսի ԱԳՆ-ն։
«Եգիպտոսի Արաբական Հանրապետությունը կոչ է անում բոլոր պետություններին, միջազգային և տարածաշրջանային կազմակերպություններին, որոնք ցանկանում են մարդասիրական օգնություն ցուցաբերել Գազայի հատվածում պաղեստինցի ժողովրդին, այդ օգնությունը հասցնել Էլ-Արիշ միջազգային օդանավակայանից», - ասված է Եգիպտոսի ԱԳՆ հայտարարության մեջ:
Հիշեցնենք` հոկտեմբերի 7-ի առավոտյան Իսրայելը Գազայի հատվածից աննախադեպ հրթիռային հարձակման ենթարկվեց։ Իսրայելի բանակի մամուլի ծառայությունից հայտնեցին, որ ծայրահեղականներն ավելի քան 3 հազար հրթիռ են արձակել: Բացի այդ, տասնյակ ահաբեկիչներ ներխուժել են Իսրայելի հարավում գտնվող սահմանամերձ շրջաններ։
