Բլինկենը հայտարարել է, որ Իսրայել է եկել ոչ միայն որպես ԱՄՆ պաշտոնյա, այլև որպես հրեա
ԱՄՆ պետքարտուղար Էնթոնի Բլինկենը, որն իսրայելա-պաղեստինյան հակամարտության թեժացման ֆոնին, ժամանել է Թել Ավիվ, հայտարարել է, որ Իսրայել է եկել ոչ միայն որպես ԱՄՆ պաշտոնյա, այլև որպես հրեա:
«Ես ՀԱՄԱՍ-ի իրագործած սպանդը հասկանում եմ անձնական մակարդակով», - ասել է Բլինկենը: ԱՄՆ պետքարտուղարը հայտարարել է, որ Իսրայելն իրեն պաշտպանելու իրավունք ունի, սակայն միևնույն ժամանակ ընդգծել է՝ կարևոր է՝ ինչպես է Իսրայելը դա անելու:
Առանց ուղղակիորեն նշելու՝ Բլինկենը փաստացի նկատի է ունեցել Գազայի հատվածում խաղաղ բնակիչ պաղեստինցիներին Իսրայելի ավիահարվածներով սպանելուն: «Մենք գիտենք, որ ՀԱՄԱՍ-ը չի ներկայացնում Պաղեստինի ժողովրդին», - շարունակել է Բլինկենը՝ հավելելով, որ ամերիկյան զենքի ավելի մեծ խմբաքանակը ճանապարհին է:
