Ադրբեջանի ԱԳՆ-ն պատասխանել է Կատրին Կոլոննային՝ հնչեցնելով հերթական մեղադրանքները
Ադրբեջանի ԱԳՆ-ն հայտարարություն է տարածել, որում խստորեն դատապարտում և մերժում է Ֆրանսիայի ԱԳ նախարար Կատրին Կոլոննայի այն առաջարկը, ըստ որի ՄԱԿ-ի ԱԽ շրջանակներում Ֆրանսիան կպահանջի ընդունել ԼՂ հայերի վերադարձի վերաբերյալ բանաձև։
«Ֆրանսիացի նախարարի հայտարարությունը ցույց է տալիս, որ Փարիզը շահագրգռված է շարունակել իր կեղծ քաղաքականությունը Հարավային Կովկասում։ Ֆրանսիական կողմին ևս մեկ անգամ հիշեցնում ենք, որ Ադրբեջանի հետ սպառնալիքների և ճնշումների լեզվով խոսելը որևէ արդյունքի չի բերի, և նման ապակառուցողական գործողությունները պետք է անհապաղ դադարեցվեն։
«Կեղծավորություն է, որ Ֆրանսիան, որը ոչ մի քայլ չի ձեռնարկել ՄԱԿ-ի Անվտանգության խորհրդի 4 բանաձևերի կատարումն ապահովելու համար, այժմ կոչ է անում բանաձև ընդունել Ադրբեջանի դեմ»,- հայտարարել են Ադրբեջանի ԱԳՆ-ում։
