Գազայի հատվածը երեք ժամից հոսանքազրկվելու է. Պաղեստինի իշխանություն

Գազայի հատվածը երեք ժամից հոսանքազրկվելու է, հայտարարել է Պաղեստինի էներգետիկ ոլորտի ղեկավար Ջալալ Իսմայիլը։

Ավելի վաղ արաբալեզու հրապարակումները՝ վկայակոչելով Պաղեստինի Էլեկտրաէներգիայի վարչությանը, հայտնել էին, որ Գազայի հատվածում մնացել է 11-12 ժամ էլեկտրաէներգիա։

Գազայի միակ էլեկտրակայանի դիզվառելիքի մատակարարումները, ըստ պաղեստինցի պաշտոնյաների, հասել են կրիտիկական մակարդակի:

Ըստ նրանց՝ էլեկտրակայանը կանջատվի տեղական ժամանակով մոտ 14։00-ին։

Իսրայելի պաշտպանության նախարար Յոավ Գալանտը ավելի վաղ հրամայել էր ամբողջությամբ շրջափակել Գազայի հատվածը։ ՄԱԿ-ը և տարբեր միջազգային մարդասիրական կազմակերպություններ զգուշացնում են, որ այս որոշումը կազդի 600 հազար պաղեստինցի խաղաղ բնակիչների վրա։