«Համասը» հրթիռակոծել է Թել-Ավիվն ու այլ խոշոր քաղաքներ
ՀԱՄԱՍ-ի զինյալ թևը՝ Իզեդդին ալ-Քասեմի բրիգադը հրթիռներ է արձակել Թել Ավիվի ուղղությամբ։ Այս մասին պաղեստինյան արմատականները հայտնել են իրենց Telegram ալիքում։
«Ի պատասխան խաղաղ բնակիչների տների ռմբակոծման՝ Իզեդդին ալ-Քասեմի բրիգադը հրթիռներ է արձակել Թել Ավիվի ուղղությամբ», - ասվում է արմատականների հայտարարության մեջ:
Հիշեցնենք՝ հոկտեմբերի 7-ին վաղ առավոտյան ՀԱՄԱՍ-ի զինյալները Գազայի գոտուց սկսել են հազարավոր հրթիռներ արձակել իսրայելյան բնակավայրերի վրա:
