ՀԱՄԱՍ-ը հարվածել է Իսրայելի տարածքում գտնվող Կադիրովի մզկիթին

Իսրայելի ԱԳՆ-ն հայտնել է երկրի Երուսաղեմի շրջանի Աբու Ղոշ գյուղի մզկիթի վրա պաղեստինյան հրթիռային հարձակման մասին։ Այս հարձակման ժամանակ վնասվել է Կադիրովի մզկիթը։

Չեչնիայի ղեկավար Ռամզան Կադիրովը այս մզկիթը կառուցել է իր հոր պատվին 2014թ.-ին:

Հիշեցնենք` հոկտեմբերի 7-ի առավոտյան Իսրայելը Գազայի հատվածից աննախադեպ հրթիռային հարձակման ենթարկվեց։ Իսրայելի բանակի մամուլի ծառայությունից հայտնեցին, որ ծայրահեղականներն ավելի քան 3 հազար հրթիռ են արձակել: Բացի այդ, տասնյակ ահաբեկիչներ ներխուժել են Իսրայելի հարավում գտնվող սահմանամերձ շրջաններ։

Ինչպես գրում են լրատվամիջոցները, շենքի կառուցման վրա ծախսվել է մոտ 10 միլիոն դոլար, որից 6 միլիոնը՝ Չեչնիայի կառավարությունից։

[9d5dd841d8527344810d6783c80b3cc1.jpg]