![Գերեվարվել են 35 իսրայելցի զինվորներ և իսրայելական բանակի գեներալը](https://auroranews.am/storage/img/base_image/old/4994a5440f20a4d462e3bc3e8c284f2e.webp)
Գերեվարվել են 35 իսրայելցի զինվորներ և իսրայելական բանակի գեներալը
![Գերեվարվել են 35 իսրայելցի զինվորներ և իսրայելական բանակի գեներալը](https://auroranews.am/storage/img/base_image/old/4994a5440f20a4d462e3bc3e8c284f2e.webp)
Լրատվամիջոցները գրում են գերեվարված 35 իսրայելցի զինվորների մասին: Պաղեստինցի զինյալները պնդում են նաև, որ գերի են վերցրել իսրայելական բանակի գեներալը։ Նշվում է, որ նրան կիսամերկ տարել են Գազա։
Նշենք, որ Իսրայելի վարչապետ Բենիամին Նեթանյահուն արտակարգ խորհրդակցություն է հրավիրել անվտանգության ուժերի ղեկավարների հետ։
Նա պնդում է, որ այսօր վաղ առավոտյան ՀԱՄԱՍ խմբավորման կողմից երկրի հարավային շրջանների դեմ ձեռնարկված հարձակումը աննախադեպ կոշտ պատասխանի է արժանանալու։
«Սա պատերազմ է և մենք այդ պատերազմում հաղթելու ենք», - հայտարարել է Իսրայելի վարչապետը՝ նշելով, որ «թշնամին աննախադեպ բարձր գին է վճարելու այս հարձակման համար»։
Իսրայելի պաշտպանության նախարար Յոավ Գալանտը ավելի վաղ հայտարարել էր, որ ՀԱՄԱՍ ահաբեկչական խմբավորումը «լուրջ սխալ» է թույլ տվել՝ հանկարծակի հարձակում սկսելով Իսրայելի վրա։ «Իսրայելի պետությունը կհաղթի այս պատերազմում», - հավելել է նա:
Հիշեցնենք՝ Գազայի հատվածից Իսրայելի հրթիռակոծումը սկսվել է առավոտյան։ Գործողության առաջին 20 րոպեների ընթացքում Իսրայելի ուղղությամբ արձակվել է 5000 հրթիռ և արկ։ ԶԼՄ-ների տվյալներով՝ Գազայի հատվածից Իսրայելի վրա հրթիռակոծության հետևանքով վիրավորվել է մոտ 200 մարդ, ևս 20-ը զոհվել են։