Հայաստան է գալիս Ճգնաժամային իրավիճակների կառավարման հարցերով ԵՄ հանձնակատարը
Հայաստան է ժամանելու Ճգնաժամային իրավիճակների կառավարման հարցերով եվրոպական հանձնակատար Յանեզ Լենարչիչը։ Այս մասին նշվում է Եվրոպական հանձնաժողովի կայքում։
Ակնկալվում է, որ նա Հայաստան կգա արդեն վաղը՝ հոկտեմբերի 6-ին: Երևանում Լենարչիչը հանդիպելու է Հայաստանի բարձրաստիճան պաշտոնյաների հետ և այցելելու է վայրեր, որտեղ ապաստան են գտել Լեռնային Ղարաբաղից բռնի տեղահանված անձինք:
Նշվում է, որ Լենարչիչը պատասխանատու է եվրոպական քաղաքացիական պաշտպանության և մարդասիրական օգնության հարցերով։ Ճգնաժամային իրավիճակների կառավարման հարցերով ԵՄ հանձնակատարը Հայաստանում քննարկելու է ԼՂ հայերին առնչվող հումանիտար խնդիրները։
