Լեռնային Ղարաբաղի զինված ուժերը մոտ 57,6 մլն զինամթերք են հանձնել ռուս խաղաղապահներին: Այս մասին երեքշաբթի հայտնել է ՌԴ պաշտպանության նախարարությունը։ 

Մասնավորապես, հանձնվել է 79 միավոր զրահատեխնիկա, 96 միավոր դաշտային հրետանային զինամթերք և ականանետ, 93 միավոր ավտոմոբիլային տեխնիկա, 113 միավոր հակաօդային պաշտպանության տեխնիկա և ավելի քան 7 հազար միավոր փոքր սպառազինություն։ 

Սեպտեմբերի 19-ին Ադրբեջանի պաշտպանության նախարարությունը հայտարարեց Լեռնային Ղարաբաղում «տեղական հակաահաբեկչական միջոցառումների մեկնարկի մասին»՝ սկսելով հրետակոծել խաղաղ բնակչությանը։ Ադրբեջանի ԱԳՆ-ն հայտարարել է, թե Լեռնային Ղարաբաղում խաղաղության միակ ճանապարհը «ՀՀ ՊՆ–ի զինվորականների ամբողջական դուրսբերումն է այնտեղից», որոնց առկայությունը Արցախում հայկական կողմը հերքել է։ Հաջորդ օրը հայտնի դարձավ, որ հակամարտող կողմերը պայմանավորվել են ռազմական գործողությունների ամբողջական դադարեցման մասին։ 

Ավելի ուշ՝ սեպտեմբերի 28-ին, Լեռնային Ղարաբաղի Հանրապետության ղեկավար Սամվել Շահրամանյանը հրամանագիր է ստորագրել, համաձայն որի չճանաչված հանրապետությունը հունվարի 1-ից կդադարի գոյություն ունենալ։ 

Հոկտեմբերի 2-ին Ադրբեջանի նախագահ Իլհամ Ալիևի վարչակազմը հայտարարեց, թե Ղարաբաղում զինաթափման գործընթացը ավարտվում է։