Այսօր ժամը 08:00-ի դրությամբ Արցախից Հայաստան է մուտք գործել բռնի տեղահանված 13 550 անձ
Սեպտեմբերի 26-ին ժամը 08:00 դրությամբ ԼՂ-ից Հայաստան մուտք է գործել բռնի տեղահանված 13 550 անձ։ Այս մասին հայտնում են ՀՀ կառավարությունից:
«Նրանցից 11 000-ի վերաբերյալ հաշվառման տվյալներն ամփոփված են, իսկ 2 550-ի կարիքների գնահատումը նույնականացման փուլում է: Բոլոր նրանց, ովքեր չունեն կեցության նախապես որոշված վայր, կառավարությունն ապահովում է համապատասխան կեցավայրով»,-ասված է հրապարակման մեջ:
Նշվում է, որ աջակցության կարիքների նպատակով հաշվառումը շարունակվում է:
