Ստեփանակերտում խմելու ջրից նմուշառում են արել. վտանգավոր նյութեր չեն հայտնաբերվել

Ստեփանակերտում խմելու ջրից նմուշառումներ են կատարել, վտանգավոր նյութեր չեն հայտնաբերվել։ Այս մասին գրում է Արցախի տեղեկատվական շտաբը։ 

«Լաբորատոր ստուգումներն ընթացքում են, բայց մինչև այս պահը որևէ վտանգավոր նյութ չի հայտնաբերվել»,– նշված է հաղորդագրության մեջ։ 
Շտաբից հայտնում են, որ «Ջրմուղ-կոյուղի» ՓԲԸ-ն նմուշառում կատարելու որոշում է կայացրել քաղաքացիներից ստացված բազմաթիվ ահազանգերից հետո։ 

Նշենք, որ համացանցում տեղեկություններ էին տարածվել, թե ադրբեջանցիները դիզվառելիք են խառնել բնակչությանը մատակարարվող խմելու ջրին, որովհետև ջրամատակարարման ցանցը նրանց վերահսկողության տակ է անցել։