Բաքվից հայտարարությամբ են հանդես եկել՝ անդրադառնալով Եվլախում կայացած հանդիպմանը

Հանդիպմանը, որն անցել է կառուցողական և դրական մթնոլորտում, քննարկվել են Ադրբեջանի Հանրապետության Սահմանադրության և օրենքների հիման վրա Ղարաբաղի հայ բնակչության վերաինտեգրման, ենթակառուցվածքների վերականգնման և գործունեության կազմակերպման հարցերը:

Ռամին Մամեդովը ներկայացրել է վերաինտեգրման ծրագրերը։ Այս մասին հայտնում են Բաքվից՝ անդրադառնալով Եվլախում կայացած հանդիպմանը:

«Ընդգծվել է նաև հակաահաբեկչական միջոցառումների դադարեցման մասին Ադրբեջանի պաշտպանության նախարարության սեպտեմբերի 20-ի հայտարարության մեջ արտացոլված հարցերի շուտափույթ կատարման կարևորությունը:

Ադրբեջանի Լեռնային Ղարաբաղի տարածաշրջանի հայ բնակիչների ներկայացուցիչները նշել են վառելիքի հատուկ անհրաժեշտությունը սոցիալական և հումանիտար բնույթի հարցերի քննարկման համատեքստում: Միաժամանակ, նրանք խնդրել են մարդասիրական օգնություն ցուցաբերել, այդ թվում ՝ սննդամթերքով: Նրանց խնդրանքը դրական ընդունվեց։

Մասնավորապես, նախատեսվում է առաջիկայում ապահովել վառելիքով և իրականացնել մարդասիրական աջակցություն ՝ ապահովելով մանկապարտեզների և դպրոցների ջեռուցման համակարգերը, ինչպես նաև շտապ բժշկական օգնության և հրդեհաշիջման ծառայությունների կարիքները:

Պայմանավորվածություն ձեռք բերվեց հերթական հանդիպումն անցկացնել»,-նշում են Բաքվից:

Հիշեցնենք, որ Արցախի պատվիրակությունը Եվլախում ադրբեջանական կողմի հետ բանակցությունների ավարտից հետո վերադառնում է Ստեփանակերտ: