Տասնյակ պայթյուններ Ստեփանակերտում՝ 15 րոպեների ընթացքում. Արտակ Բեգլարյան

15 րոպեների ընթացքում Ստեփանակերտում տասնյակ պայթյուններ են հնչել։ Այս մասին գրել է Արցախի պետնախարարի նախկին խորհրդական Արտակ Բեգլարյանը։ 

«Ռազմական գործողությունները շարունակվում են, իսկ Արցախի պաշտպաններն ամեն ինչ անում են արյունալի ցեղասպանությունը կանխելու համար»,– գրել է Արտակ Բեգլարյանը։

Ավելի վաղ հայտնել էինք, որ Ալիևի ցեղասպան ուժերն ավիահարված են հասցրել Մարտակերտ քաղաքի տարածքում և Ասկերանի շրջանի գյուղերին։ Այս մասին հայտնել է Արցախի պետնախարարի նախկին խորհրդական Արտակ Բեգլարյանը։ 

«Գնդակոծություններն ու մարտերը շարունակվում են, զոհերի/վիրավորների թիվը խաղաղ բնակիչների և զինվորականների շրջանում աճում է»,- հայտնել է Բեգլարյանը։