Այսօրվա ընթացքում ռուս խաղաղապահները տարհանել են Լեռնային Ղարաբաղի ավելի քան 1,8 հազար խաղաղ բնակիչների։ Ներկայումս նրանք բոլորն ապահովված են կացարաններով և տաք սնունդով, հայտնում է РМК ալիքը։

ՌԴ ՊՆ–ն ավելի վաղ հայտնել էր, որ այսօր՝ ժամը 12:00-ից, ռուս խաղաղապահները շփման գծի ողջ երկայնքով ադրբեջանական կողմից արձանագրել են հրադադարի ռեժիմի բազմաթիվ խախտումներ:

Կազմակերպվել է Լեռնային Ղարաբաղի խաղաղ բնակչության տարհանում ամենավտանգավոր շրջաններից և տուժածներին բժշկական օգնության ցուցաբերում։ 

Ռուս խաղաղապահների հրամանատարությունը Ղարաբաղում հակամարտող կողմերին կոչ է անում անհապաղ դադարեցնել կրակը, ինչպես նաև լիցքաթափել և շարունակել բանակցությունները։