Թուրքիայի նախագահ Ռեջեփ Թայիփ Էրդողանը ամերիկյան PBS հեռուստաալիքին տված հարցազրույցում անբավարար է անվանել Շվեդիայի քայլերը ՆԱՏՕ-ին անդամակցության վավերացման ուղղությամբ, հայտնում է Ria.ru-ն:  

«ՆԱՏՕ-ին անդամակցելու համար Շվեդիան, իհարկե, պետք է կատարի իր խոստումները։ Ահաբեկչական կազմակերպությունները պետք է անհապաղ դադարեցնեն իրենց ցույցերն ու գործողությունները Ստոկհոլմի փողոցներում։ Շվեդիան կարծես թե փոխել է օրենսդրությունը, բայց դա բավարար չէ»,- ասել է Թուրքիայի նախագահ Ռեջեփ Էրդողանը։

Թուրքիայի առաջնորդը նշել է, որ Շվեդիան պետք է կատարի ահաբեկչության դեմ պայքարի իր խոստումները և Անկարան դեռ տեսնում է «Ստոկհոլմի փողոցներով քայլող ահաբեկիչներին»: 

«ՆԱՏՕ-ին անդամակցելու Շվեդիայի առաջարկը կքննարկվի Թուրքիայի Ազգային մեծ ժողովի (TGNA) կողմից, և որ խորհրդարանի որոշումը վճռորոշ կլինի։
Սա Ազգային մեծ ժողովի օրակարգի մի մասն է, խորհրդարանն իր օրացույցի շրջանակներում կգնահատի իրավիճակը: Այս առաջարկը կդրվի պատգամավորների քվեարկության»,- ասել է Թուրքիայի նախագահը։