Ֆրանսիան հրաժարվել է արգելք սահմանել ռուսական համարանիշներով մեքենաների մուտքի վրա

Ֆրանսիան հրաժարվել է արգելք սահմանել ռուսական համարանիշներով մեքենաների մուտքի վրա։ Ֆրանսիայի դեսպանատան մամուլի ծառայությունը նշել է, որ Փարիզը չի հետևի Եվրամիության մյուս երկրների օրինակին և պաշտոնապես կհայտարարի սահմանափակման մասին։ 

Ավելի վաղ Պետդումայի միջազգային հարցերով հանձնաժողովի նախագահի առաջին տեղակալ Ալեքսեյ Չեպան Ռուսաստանին առաջարկել էր փակել սահմանը եվրոպական այն երկրների հետ, որոնք արգելել են ռուսական մեքենաների մուտքն իրենց տարածք։ Նա հավելել է, որ այդ երկրների համար անհրաժեշտ է խստորեն բարձրացնել սակագները, իսկ ռուս գործարարները պետք է այլ շուկաներ փնտրեն։

Հայտնել էինք, որ  Էստոնիան, Լատվիան, Լիտվան և Գերմանիան սահմանափակումներ էին մտցրել ռուսական համարանիշներով մեքենաների մուտքի համար։ Արգելքը մտցվել է Եվրահանձնաժողովի կողմից։