«Հանրային ձայն»-ից հայտնել են, որ առանց հուշագրի կոալիցիա չեն կազմի. «Հրապարակ»
«Վարդան Ղուկասյանն իր ֆեյսբուքյան լայվերով արդեն հայտնել է, որ կկազմենք կոալիցիա ընդդիմադիր ուժերի հետ, բայց դա կլինի բացառապես ստորագրությամբ և հուշագրով»։ «Հրապարակ»-ի հետ զրույցում այս մասին ասել է «Հանրային ձայն» կուսակցության նախընտրական ցուցակի 3-րդ համար Ամալյա Սարգսյանը։
Ավելի վաղ «Հանրային ձայնի» առաջնորդ Վարդան Ղուկասյանը հայտարարել էր, որ բաց է ընդդիմադիր ուժերի հետ կոալիցիայի հարցում։ Նա դեմ չէր արտահայտվել պաշտպանել Մարությանի կամ Թևանյանի թեկնածությունը քաղաքապետի պաշտոնում, սակայն պահանջում է վերահսկողական ֆունկցիաները հանձնել իր կուսակցությանը։
