ՏԵՍԱՆՅՈՒԹ. Եթե վարչական ռեսուրս կիրառեինք, 5.78 %-ի փոխարեն 12 % չէինք ունենա՞. Ավինյան
ՔՊ Երևանի քաղաքապետի թեկնածու Տիգրան Ավինյանը լրագրողների հետ զրույցում անդրադարձել է վարչական ռեսուրսի կիրառման հարցին։
«Եթե մենք վարչական ռեսուրս կիրառեինք, ձեր կարծիքով, ժամը 11 դրությամբ 5.78 տոկոսի փոխարեն 12 տոկոս չէինք ունենա՞։ Իհարկե, կունենայինք։ Բայց այդ ժամանակները վաղուց անցել են»,- ասել է նա:
Ավինյանը ճեպազրույցի ժամանակ պատասխանեց նաև մեկ հասցեում տասնյակ քաղաքացիների գրանցման վերաբերյալ դեպքերին:
«Որևէ տրամաբանություն չկա մեզ մեղադրելու, որովհետև, կարծում եմ, կկարողանանք ընտրությունների վերջում գնալ, տեսնել, թե այդ մարդկանց քանի տոկոսն է գնացել ընտրության: Դա մեզ հետ որևէ կապ չունի:
Իմ տեղեկատվությամբ՝ ինչ-որ ավտոմեքենայի առուվաճառքով զբաղվող խումբ է եղել մեծ, և մարդ է եղել, որ գրանցել է իրենց»,- ասաց նա:
Մանրամասները` տեսանյութում:
