«Հանձնաժողովի անդամը մարդ է բերել ընտրատեղամաս». ոստիկանությունը՝ ստացած հաղորդումների մասին
ՀՀ ՆԳՆ ոստիկանության շտաբի պետ Արմեն Մկրտչյանը, ներկայացնելով Երևանի ավագանու ընտրությունների ընթացքում ստացված հաղորդումները, տեղեկացրեց, որ ՀՀ ՆԳՆ ոստիկանությունը ժամը 08։00–ից ստացել է երեք հաղորդում։
«Ստացվել և քննարկվել է ստուգման ենթակա 2 տեղեկություն, որոնցից մեկը` երկու մեքենաներով ճանապարհը փակելու, մյուսը` մտավոր խնդիրներ ունեցող որդու տվյալները ընտրացուցակում հայտնվելու մասին։ Իսկ երրորդը անհայտ քաղաքացուց է այն մասին, որ հանձնաժողովի անդամը մարդ է բերում ընտրատեղամաս»,–ասաց Մկրտչյանը։
Վերջինիս խոսքով՝ նշված բոլոր ահազանգերով կատարվում են ստուգողական աշխատանքներ։
Հիշեցնենք` Երևանում այսօր ավագանու ընտրություններ են անցկացվում, որին մասնակցում են 13 կուսակցություն և 1 դաշինք
