Իսրայելը դուրս չի բերի զորքերը Հարավային Լիբանանից․ Նեթանյահու

Իսրայելը «անվտանգության նկատառումներից ելնելով» դուրս չի բերի զորքերը Հարավային Լիբանանից: Հայտարարել է Իսրայելի վարչապետ Բենյամին Նեթանյահուն: 

«Մենք կվերականգնենք Իսրայելի հյուսիսային շրջանների բարգավաճումը։ Դրա համար անհրաժեշտ է պահպանել Հարավային Լիբանանում անվտանգության գոտին, և մենք չպետք է հեռանանք այնտեղից, քանի դեռ դա պահանջում են Իսրայելի անվտանգության շահերը»,- հայտարարել է Իսրայելի վարչապետը։

Լիբանանի նախագահն էլ իր հերթին հայտնել է, որ երկրի պատվիրակությունը հունիսի 23-25-ը Վաշինգտոնում կայանալիք ուղիղ բանակցությունների ընթացքում կձգտի հասնել իսրայելական զորքերի դուրսբերմանը։

«Իսրայելի հեռանալը հնարավորություն կտա լիբանանյան բանակին տեղակայվել սահմանին՝ ապահովելով տարածաշրջանի կայունությունը, որն անհրաժեշտ է ավերված քաղաքների և ենթակառուցվածքների վերականգնման աշխատանքները սկսելու համար»,- ընդգծել է Ջոզեֆ Աունը։