Իրանը համաձայնել է ԱՄՆ-ի հետ հուշագրի ստորագրմանը՝ պայմաններով

Իրանի գերագույն առաջնորդ Մոջթաբա Խամենեին հայտարարել է, որ թույլտվություն է տվել ԱՄՆ-ի և Իրանի միջև փոխըմբռնման հուշագրի ստորագրմանը։

«Սկզբունքորեն ես այս հարցում այլ կարծիք ունեի։ Սակայն, քանի որ նախագահը՝ որպես Ազգային անվտանգության բարձրագույն խորհրդի նախագահ, ինչպես նաև խորհրդի մյուս անդամները պարտավորվեցին պաշտպանել իրանցի ժողովրդի և Դիմադրության առանցքի իրավունքները ու հասկացրին, որ պատասխանատվությունն իրենք են կրելու, ես թույլտվություն տվեցի»,- ասվում է «Մեհր» գործակալության հրապարակած Խամենեիի հայտարարության մեջ։

Նա ընդգծել է, որ Իրանի և ԱՄՆ-ի միջև առաջիկա բանակցությունները չեն նշանակում, թե Թեհրանը պատրաստվում է ընդունել Վաշինգտոնի տեսակետը։