Իրանը 60 օրով չեղարկում է Հորմուզի նեղուցով անցման բոլոր վճարները

Իրանը 60 օրվա ընթացքում Հորմուզի նեղուցում որևէ ծառայության դիմաց վճար չի գանձի և բոլոր ծախսերը կփոխհատուցի սեփական միջոցներով։ Այդ մասին հայտարարել է Իրանի Ազգային անվտանգության բարձրագույն խորհուրդը։

«Իսլամաբադի փոխըմբռնման հուշագրի համաձայն՝ 60 օրվա ընթացքում դիմողներից որևէ վճար չի գանձվի, իսկ բոլոր հարակից ծախսերը կփոխհատուցվեն Իրանի Իսլամական Հանրապետության կառավարության կողմից», — նշվում է հայտարարության մեջ։

Ընդգծվում է, որ Հորմուզի նեղուցով անցնել ցանկացող բոլոր նավերը նախկինի պես պարտավոր են դիմումներ ներկայացնել Իրանի Պարսից ծոցի վերահսկողության վարչություն (PGSA), սակայն դրանք կքննարկվեն արագացված կարգով։

Խորհուրդը նաև նշել է, որ Իրանը կձեռնարկի նեղուցի ականազերծման բոլոր անհրաժեշտ միջոցառումները՝ ԱՄՆ-ի հետ կնքված հուշագրի համաձայն։