Զելենսկի․ Այսօր ուկրաինական բանակը Եվրոպայի գլխավոր բանակն է

Այսօր ուկրաինական բանակը փաստացի Եվրոպայի գլխավոր բանակն է, որն ունակ է երկար ժամանակ զսպել և դիմակայել լայնածավալ ագրեսիային։ Եվ պատերազմից հետո էլ այդպես պետք է մնա։ Նման բանակի գոյությունը պետք է օգնի կանխել Պուտինի ցանկացած ապագա ագրեսիվ գործողություն։

Հենց այդ պատճառով արդեն հիմա անհրաժեշտ է մտածել, թե ինչպես ապահովել այն ֆինանսավորումը, որն առաջիկա տարիներին անհրաժեշտ կլինի ուկրաինական բանակին։ Նման հայտարարություն է արել Ուկրաինայի նախաահ Վոլոդիմիր Զելենսկին.

«Եթե ցանկանում ենք, որ Եվրոպան ունենա ամենահզոր բանակը, որն իսկապես կարող է արձագանքել ցանկացած սպառնալիքի, ապա դա հնարավոր է միայն Ուկրաինայի հետ երկարաժամկետ համագործակցության և ուկրաինական բանակի երկարաժամկետ աջակցության պայմաններում։ Սա Եվրոպայի համար անվտանգության նոր, իրատեսական ճարտարապետություն է»,- հայտարարել է Ուկրաինայի նախագահ Վոլոդիմիր Զելենսկին։